വീടുവിട്ടിറങ്ങി ഉത്തർപ്രദേശിലെ ബദൗണിൽ മറ്റൊരിടത്ത് ഒറ്റയ്ക്ക് താമസിക്കുന്ന യുവാവിനെ ഞെട്ടിച്ച സംഭവം, പിതാവിനെക്കുറിച്ചുള്ള വിവരങ്ങൾ തേടി മകൻ ജില്ലാ പഞ്ചായത്ത് രാജ് ഓഫീസിൽ വിവരാവകാശ ഹരജി നൽകിയിരുന്നു. ശുചീകരണത്തൊഴിലാളിയായ യുവാവിന്റെ പിതാവ് ജോലി നിർത്തി സമ്പാൽ മേഖലയിൽ ഒറ്റയ്ക്ക് താമസം തുടങ്ങി. ഇതേത്തുടർന്നാണ് പിതാവിനെ കുറിച്ച് വിവരം ലഭിക്കാൻ യുവാവ് വിവരാവകാശ നിയമപ്രകാരം ഹർജി നൽകിയത്.
തനിക്ക് ലഭിച്ച വിവരം യുവാവിനെ ഞെട്ടിച്ചു. പിതാവ് യഥാർത്ഥത്തിൽ മുൻ ഭാര്യയെ വിവാഹം കഴിച്ചുവെന്നറിഞ്ഞ മകൻ പിസൗലി പോലീസ് സ്റ്റേഷനിൽ പരാതി നൽകുകയും ഇരുവിഭാഗവും തമ്മിൽ ഒത്തുതീർപ്പിന് ശ്രമിക്കുകയും ശനിയാഴ്ച അച്ഛനും മകനും തമ്മിൽ കൂടിക്കാഴ്ച നടത്തുകയും ചെയ്തു. അതിനിടെ മുന്‍ ഭര്‍ത്താവിന്റെ അച്ഛനായ തന്റെ ഇപ്പോഴത്തെ ഭര്‍ത്താവുമായി താൻ വളരെ സന്തോഷതിയാണെന്നും യുവതി പറഞ്ഞു “ഇരുവർക്കും പ്രായപൂർത്തിയാകാത്ത സമയത്താണ് വിവാഹം നടന്നത്, ഇതിന് നിയമപരമായ രേഖകളൊന്നുമില്ല. നിലവിൽ ഇക്കാര്യത്തിൽ കേസെടുക്കാൻ കഴിയില്ല,” പോലീസ് ഉദ്യോഗസ്ഥർ പറഞ്ഞു.
2016-ൽ യുവാവ് യുവതിയെ വിവാഹം കഴിച്ചു. ഇരുവരും അന്ന് 18 വയസ്സിൽ താഴെയായിരുന്നു എന്നത് ശ്രദ്ധേയമാണ്. ആറുമാസത്തിനുശേഷം അവർ വേർപിരിഞ്ഞു. അഭിപ്രായവ്യത്യാസങ്ങൾ പരിഹരിക്കാൻ ശ്രമിച്ചെങ്കിലും മദ്യത്തിന് അടിമയാണെന്ന് പറഞ്ഞ് യുവതി വിവാഹമോചനത്തിന് വീട്ടുകാരെ പ്രേരിപ്പിച്ചു എന്നത് ശ്രദ്ധേയമാണ്.
