ജലലോകം വളരെ വലുതാണ്. ഭൂമിയില്‍ ഉള്ള ജീവികളെക്കാൾ പലമടങ്ങ് കൂടുതൽ ജീവികള്‍ ഇവിടെ കാണപ്പെടുന്നു. ഓരോ ജീവിയ്ക്കും അതിന്റേതായ ചരിത്രവും അതിന്റേതായ പ്രത്യേകതയും ഉണ്ട്. അനേകം ഭീമൻ ജീവജാലങ്ങളും കടലിൽ വസിക്കുന്നു. അബദ്ധത്തിൽ മനുഷ്യർ അവരുടെ പിടിയിൽ അകപ്പെട്ടാൽ പിന്നെ ജീവിക്കുക അസാധ്യമാണ്. ഒരു വലിയ തിമിംഗലത്തിന്റെ പിടിയിൽ പെട്ട് തന്റെ ജീവൻ രക്ഷിച്ച കഥയാണ് സോഷ്യൽ മീഡിയയിൽ ഒരാൾ പങ്കുവെച്ചിരിക്കുന്നത്. തിമിംഗലത്തിന്റെ വയറ്റിൽ നിന്നാണ് ഈ വ്യക്തി ജീവനോടെ പുറത്തുവന്നത്.
തിമിംഗല മത്സ്യങ്ങൾ സമുദ്രത്തിന്റെ ആഴത്തിലാണ് ജീവിക്കുന്നത്. പൊതുവെ ശാന്തതയുള്ളവരായി കരുതപ്പെടുന്ന ഈ മത്സ്യങ്ങൾ മറ്റു ജീവികളില്‍ നിന്ന് അകന്നു നിൽക്കുന്നവരാണ്. അവസരം കിട്ടുമ്പോൾ സ്രാവുകൾ മനുഷ്യരെ ആക്രമിക്കുന്നത് കണ്ടിട്ടുണ്ട്. എന്നാൽ തിമിംഗലങ്ങൾ അപൂർവ്വമായി അത് ചെയ്യാറോള്ളു. എന്നിരുന്നാലും അവയും ഒരു ജീവിയാണ് അവയുടെ സ്വഭാവത്തെക്കുറിച്ചുള്ള ഏതൊരു പ്രവചനവും തെറ്റായിരിക്കാം. അത്തരമൊരു സാഹചര്യത്തിൽ ചിലപ്പോൾ തിമിംഗലങ്ങളും ആക്രമിക്കാം. അത്തരമൊരു ആക്രമണത്തിൽ നിന്ന് രക്ഷപ്പെട്ട വ്യക്തി തന്റെ അനുഭവം ജനങ്ങളുമായി പങ്കുവെച്ചു. കടലിൽ ഒരു തിമിംഗലം തന്നെ വിഴുങ്ങിയതെങ്ങനെയെന്ന് ആ മനുഷ്യൻ പറഞ്ഞു. പക്ഷേ അദ്ദേഹം ഒരു ഭാഗ്യവാനായിരുന്നു തിമിംഗലത്തിന്റെ വയറ്റിൽ നിന്ന് ജീവനോടെ നേരെ പുറത്തു വന്നു.
57 കാരനായ ലോബ്സ്റ്റർ ഡൈവർ മൈക്കിൾ പാക്കാർഡാണ് (Michael Packard) തിമിംഗലത്തിന്റെ വയറിനുള്ളില്‍ നിന്നും രക്ഷപ്പെട്ടത്. വർഷങ്ങളോളം കടലിൽ മുങ്ങി വിചിത്ര ജീവികളെ മൈക്കിൾ പിടിക്കുന്നു. ഇവയെ പിടികൂടിയശേഷം ചന്തയിൽ വിറ്റ് വൻതുക സമ്പാദിക്കുകയും ചെയ്യുന്നു. കുറച്ചുകാലം മുമ്പ് മൈക്കിൾ ഒരു ഭീമൻ ഞണ്ടിനെ പിടികൂടി. അന്നുമുതൽ മൈക്കിളിന്റെ പേര് ലോബ്സ്റ്റർ ഡൈവർ എന്നാണ് അറിയപ്പെട്ടിരുന്നത്. എന്നാൽ ഇത്തവണ ഒരു വിചിത്ര മത്സ്യത്തെ തേടി കടലിൽ ഇറങ്ങിയപ്പോൾ നേരെ പോയത് ഒരു തിമിംഗലത്തിന്റെ വയറ്റിലേക്കാണ്. കടലിൽ വെച്ച് ഒരു ജീവി അദേഹത്തെ ആക്രമിച്ചു. ബോധം തിരിച്ചുകിട്ടിയപ്പോഴാണ് തിമിംഗലത്തിന്റെ വയറ്റിലാണെന്ന് മനസ്സിലായത്.
തിമിംഗലത്തിന്റെ വയറിനുള്ളിലേക്ക് പോയപ്പോൾ മൈക്കിൾ തന്റെ കുട്ടിയെയും ഭാര്യയെയും ഓർത്തു. സ്രാവ് തന്നെ വിഴുങ്ങിയതാണെന്നായിരുന്നു അയാൾ കരുതിയിരുന്നത്. എന്നാൽ അദേഹത്തെ തിമിംഗലമായിരുന്നു വിഴുങ്ങുകയായിരുന്നത്. മുപ്പത് സെക്കൻഡ് തിമിംഗലത്തിന്റെ വയറ്റിൽ കഴിഞ്ഞപ്പോൾ തിമിംഗലത്തിന് തന്നെ ദഹിപ്പിക്കാൻ കഴിയില്ലെന്ന് പെട്ടെന്ന് തോന്നി. അതിനാൽ തിമിംഗലം ഛർദ്ദിക്കാൻ തുടങ്ങി. മൈക്കിൾ തിമിംഗലത്തിന്റെ ഛർദ്ദിയുടെ കൂടെ പുറത്തുവന്നു. തിമിംഗലത്തിന്റെ വയറിനുള്ളിൽ മുപ്പത് സെക്കൻഡ് ചെലവഴിച്ചതിന് ശേഷമാണ് താൻ തിരിച്ചെത്തിയത് എന്ന് വിശ്വസിക്കാൻ കഴിഞ്ഞില്ല എന്ന് മൈക്കിള്‍ പറയുന്നു. തിമിംഗലത്തിന്റെ വയറ്റിലേക്ക് പോകുമ്പോഴോ പുറത്തുവരുമ്പോഴോ അദ്ദേഹത്തിന് പരിക്കുകള്‍ ഒന്നും ഇല്ലായിരുന്നു.
