ഒരുകാലം വരെ വാഹനം ഓടിക്കുക എന്നത് ഓരോ സ്ത്രീയുടെയും സ്വപ്നമായിരുന്നു. എന്നാലിന്ന് ഡ്രൈവിങ് അറിയാത്ത സ്ത്രീകൾ നമ്മുടെ സമൂഹത്തിൽ ചുരുക്കം മാത്രം. കാരണം ഭൂരിഭാഗം സ്ത്രീകളും ആഗ്രഹിക്കുന്നത് സ്വയംപര്യാപ്തയാകുക എന്നതാണ്. എന്തിനും ഏതിനും ഒരു പുരുഷന്റെ സഹായമില്ലാതെ ജീവിക്കാൻ പഠിക്കണം എന്ന് ഒട്ടുമിക്ക സ്ത്രീകളും സാഹചര്യത്തിലും ആഗ്രഹിച്ചു പോകാറുണ്ട്. അതുകൊണ്ട് തന്നെ വാഹനമോടിക്കുക എന്നത് പലരുടെയും ജീവിതത്തിലെ പ്രധാന ലക്ഷ്യമായി മാറിയിട്ടുണ്ട് എന്ന് തന്നെ പറയാം.
സ്ത്രീകൾ നല്ല ഡ്രൈവർമാരല്ലെന്ന് പറഞ്ഞ് പലപ്പോഴും ആളുകൾ കളിയാക്കാറുണ്ട്.അത്കൊണ്ട് തന്നെ അവർ വാഹനമോടിക്കുന്നത് കണ്ട് പുരുഷന്മാർ പലപ്പോഴും പരിഹസിക്കാറുണ്ട്. ഒരു പരിധി വരെ ഇത്തരം പരിഹാസങ്ങൾക്ക് പിറകിൽ സത്യമില്ലേ എന്ന് പലപ്പോഴും സ്ത്രീകളുടെ ഡ്രൈവിങ് കാണുമ്പോൾ തോന്നാറുണ്ട്. ഒരുപക്ഷെ ഇതവരുടെ അമിത ആവേശം കൊണ്ടോ ആകാംക്ഷ കൊണ്ടോ ആയിരിക്കാം. അത്തരത്തിൽ സ്ത്രീകളുടെ ഡ്രൈവിങിനെ കൂടുതൽ പരിഹസിക്കാൻ കാരണമാകുന്ന തരത്തിലുള്ള ഒരു വീഡിയോ സോഷ്യൽ മീഡിയയിൽ വൈറലായി കൊണ്ടിരിക്കുകയാണ്. കാർ പാർക്ക് ചെയ്യുന്നതിനിടെ അതിന്റെ ഡ്രൈവറായ പെൺകുട്ടിക്ക് സംഭവിച്ച അബദ്ധം കണ്ട് സോഷ്യൽ മീഡിയയിൽ തരംഗമായി കൊണ്ടിരിക്കുകയാണ്. എങ്ങനെയാണ് ആ പെൺകുട്ടി പാർക്ക് ചെയ്ത കാർ സ്വിമ്മിങ് പൂളിലെത്തിയത് എന്ന് നോക്കാം.
സംഭവം ഇങ്ങനെ. യുഎസിലെ ഫ്‌ളോറിഡ നഗരത്തിൽ അപ്പാർട്ട്‌മെന്റിന്റെ പാർക്കിംഗ് ലോട്ടിൽ കാർ പാർക്ക് ചെയ്ത പെൺകുട്ടി പണമെടുക്കാൻ ഉള്ളിലേക്ക് പോയി. എന്നാൽ തിരിച്ചെത്തിയപ്പോൾ അവൾ അമ്പരന്നു പോയി.അവൾ പാർക്ക് ചെയ്ത പോയ ആ കാർ സ്വിമ്മിംഗ് പൂളിൽ പൊങ്ങിക്കിടക്കുന്നു. അതിശയിപ്പിക്കുന്ന മറ്റൊരു കാര്യം എന്ന് പറയുന്നത്. ആ കാറിനുള്ളിൽ സ്ത്രീയുടെ ഭർത്താവും മകളും ഉണ്ടായിരുന്നു. ഭാഗ്യത്തിന് അവർക്കൊന്നും സംഭവിച്ചില്ല.
ഉടൻ തന്നെ പോലീസിൽ വിവരമറിയിക്കുകയും തുടർന്ന് ഉദ്യോഗസ്ഥർ യുവതിയുടെ കാർ നീന്തൽക്കുളത്തിൽ നിന്ന് പുറത്തെടുക്കുകയും ചെയ്തു. ഒകലുസ കൗണ്ടി ഷെരീഫ് ഓഫീസാണ് ഈ ചിത്രങ്ങൾ ഫേസ്ബുക്കിൽ പോസ്റ്റ് ചെയ്തത്. ഈ ഫോട്ടോയ്ക്ക് താഴെ നിരവധി പരിഹാസങ്ങളും തമാശകളും ആളുകൾ പോസ്റ്റ് ചെയ്യുന്നു എന്നതാണ് മറ്റൊരു കാര്യം. കാര്യം എന്തായാലും സ്ത്രീകളുടെ ഡ്രൈവിങിനെ പരിഹസിക്കാൻ തക്കം കാത്തു നിന്നവർക്ക് ഈ ഫോട്ടോ ഒരു മുതൽക്കൂട്ടായി എന്ന് തന്നെ പറയാം.
