പാമ്പിന്റെ പേര് കേൾക്കുമ്പോൾ തന്നെ പലരുടെയും സിരകളിൽ ഒരു ഭയം ഓടിത്തുടങ്ങും. എന്നാൽ പാമ്പുകളെ വീട്ടിൽ വളർത്തുന്നവരുമുണ്ട്. ഈ പാമ്പുകൾക്ക് ഇടയിലാണ് അവർ വീട്ടിൽ ജീവിക്കുന്നതെന്ന് എന്നറിയുമ്പോൾ നിങ്ങൾ അത്ഭുതപ്പെടും. ചൈനയിലെ സെജിയാങ് പ്രവിശ്യയിലെ ഒരു ഗ്രാമത്തിലാണ് ഈ സംഭവം.
ഈ ഗ്രാമത്തിൽ ആളുകൾ വിഷപ്പാമ്പുകളെ വളർത്തുകയും ചെയ്യുന്നു. ചൈനയിലെ ഈ ഗ്രാമത്തിന്റെ പേര് ജിസിക്യാവോ എന്നാണ്. പ്രതിവർഷം 30 ലക്ഷത്തോളം പാമ്പുകളെ വളർത്തുന്നതിനാൽ ഗ്രാമത്തിൽ താമസിക്കുന്ന ആളുകൾ ഈ പാമ്പുകളെ പ്രധാന വരുമാനമാർഗ്ഗമാക്കുന്നു.
ചൈനയിലെ പാമ്പ് വളർത്തൽ പാരമ്പര്യം വളരെ പഴക്കമുള്ളതാണ്. 1980ലാണ് ഈ ഗ്രാമത്തിൽ ആദ്യമായി പാമ്പുകളെ വളർത്തിയതെന്ന് പറയപ്പെടുന്നു. അതായത് ഈ ഗ്രാമത്തിലെ ആളുകൾ വർഷങ്ങളോളം വയലുകളിൽ വിളകൾക്ക് പകരം പാമ്പുകളെ വളർത്തുന്നു. വിഷപ്പാമ്പുകളെ ചൈനീസ് ഔഷധങ്ങളിലും ഉപയോഗിക്കുന്നുണ്ട്.
ഏകദേശം 1000 ആളുകൾ ഈ ഗ്രാമത്തിൽ ഉപജീവനം കഴിക്കുന്നു. ഇവിടുത്തെ ജനസംഖ്യ കണക്കിലെടുത്താൽ 100-ലധികം പാമ്പ് ഫാമുകൾ ഇവിടെയുണ്ട് എന്നതിൽ നിന്നുതന്നെ പാമ്പുകളുടെ കച്ചവടം കണക്കാക്കാം. ത്വക്ക് രോഗങ്ങൾ ഭേദമാക്കുന്നത് മുതൽ ക്യാൻസർ മരുന്നുകൾ വരെ ആളുകൾ പാമ്പുകളെ ഉപയോഗിക്കുന്നു.
മൂർഖൻ, അണലി, പെരുമ്പാമ്പ് തുടങ്ങിയ വിഷപ്പാമ്പുകൾ മുതൽ വിഷമില്ലാത്ത പാമ്പുകൾ വരെ കൃഷി ചെയ്യുന്നു. പാമ്പുകളുടെ കുഞ്ഞുങ്ങളെ വേനൽക്കാലത്ത് വളർത്തുകയും ശൈത്യകാലത്ത് വിൽക്കുകയും ചെയ്യുന്നു. അമേരിക്ക, റഷ്യ, ദക്ഷിണ കൊറിയ, ജർമ്മനി തുടങ്ങി ലോകത്തിലെ പല രാജ്യങ്ങളിലും ഈ പാമ്പുകൾ വിൽക്കപ്പെടുന്നു.
