കൊൽക്കത്തയിലെ ഒരു സ്വകാര്യ ആശുപത്രിയിൽ ഞെട്ടിക്കുന്ന ഒരു സംഭവം നടന്നു. മൂന്ന് വൃക്തികള്‍ ഒരു നവജാതശിശുവിന്റെ പിതാവാണെന്നും അവകാശപ്പെട്ടു രംഗത്ത് വന്നു. ടൈംസ് ഓഫ് ഇന്ത്യ റിപ്പോർട്ട് ചെയ്തതനുസരിച്ച് ഉത്തർ പാഡയിൽ നിന്നുള്ള ഗർഭിണിയായ സ്ത്രീയെ കൊൽക്കത്തയിലെ ഗാംഗുലി ബഗാനിലെ സ്വകാര്യ ആശുപത്രിയിൽ പ്രവേശിപ്പിച്ചു. രമേഷ് എന്ന യുവാവാണ് യുവതിയെ ആശുപത്രിയിൽ പ്രവേശിപ്പിച്ചത്. രമേശ്‌ സ്ത്രീയുടെ ഭർത്താവാണെന്ന് അവകാശപ്പെട്ടു. അടുത്ത ദിവസം ശസ്ത്രക്രിയയിലൂടെ സ്ത്രീ ഒരു മകളെ പ്രസവിച്ചു. കുട്ടിയുടെ ജനനത്തിനുശേഷം ന്യൂ ടൌണില്‍ താമസിക്കുന്ന ഹരീഷ് എന്നയാൾ ആശുപത്രിയിൽ എത്തി. താനാണ് യഥാർത്ഥ ഭർത്താവെന്നും അവകാശപ്പെടാൻ തുടങ്ങി. ഒപ്പം വിവാഹ സർട്ടിഫിക്കറ്റും കൊണ്ടുവന്നു. ആശുപത്രി പേപ്പറുകളിലെ തെറ്റായ വിവരങ്ങൾ തിരുത്തി പെൺകുട്ടിയുടെ പിതാവിന്റെ പേര് രജിസ്റ്റർ ചെയ്യണമെന്ന് ഹരീഷ് ആവശ്യപ്പെട്ടു. ആദ്യം ആശുപത്രി ഭരണകൂടം ഇത് പരിഹരിക്കാൻ ശ്രമിച്ചെങ്കിലും ശേഷം പോലിസിനെ വിളിച്ചു.
നേതാജി നഗർ പോലീസ് സ്റ്റേഷനിലെ പോലീസ് ആശുപത്രിയിലെത്തി ഇക്കാര്യം അന്വേഷിക്കാൻ തുടങ്ങി. മൂന്നാമത്തെയാള്‍ അഭിജിത്ത് എന്ന വൃക്തിയും പെൺകുട്ടിയുടെ യഥാർത്ഥ പിതാവാണെന്ന് അവകാശപ്പെട്ടതോടയാണ് ഈ ട്വിസ്റ്റ് ഉണ്ടായത്. ക്കാര്യത്തിന്റെ ഗൗരവം കണക്കിലെടുത്ത് പോലീസ് ഇക്കാര്യം അന്വേഷിക്കാൻ തുടങ്ങി. പെൺകുട്ടിയുടെ അമ്മയെ പോലീസ് ചോദ്യം ചെയ്തപ്പോൾ യുവതി ഹരീഷിനെ വിവാഹം കഴിച്ചതായി സമ്മതിച്ചു. ഒരു പബ്ബില്‍ വെച്ചാണ് ഹരീഷ് എന്ന യുവാവിനെ പരിചയപ്പെട്ടതെന്ന് യുവതിയുടെ അമ്മ പോലീസിനോട് പറഞ്ഞു. അവിടെ വെച്ച് ഇരുവരും ബന്ധത്തില്‍ ആവുകയും കുറച്ച് ദിവസങ്ങൾക്ക് ശേഷം സ്ത്രീ ഗർഭിണിയായി. സ്ത്രീ ചെറുപ്പമാണെന്നും ഒരു കുടുംബം തുടങ്ങാൻ ഇത് ശരിയായ സമയമല്ലെന്നും ഹരീഷിന് തോന്നി. യുവതിയെ വിവാഹം കഴിക്കാൻ ഹരീഷ് വിസമ്മതിച്ചപ്പോൾ യുവതി ബലാത്സംഗ പരാതി നൽകി.
ഇതിനുശേഷം ഹരീഷ് ഈ സ്ത്രീയെ വിവാഹം കഴിച്ചു. എന്നാൽ ഈ വിവാഹം ഹരീഷിന്റെ കുടുംബാംഗങ്ങൾ അംഗീകരിച്ചില്ല. അതിനാൽ ഹരീഷ് യുവതിയില്‍ നിന്ന് വേർപിരിയാൻ തുടങ്ങി. സ്ത്രീയുടെ വാട്ട്‌സ്ആപ്പ് സ്റ്റാറ്റസിൽ നിന്ന് കുട്ടിയുടെ ജനന വാർത്ത ലഭിച്ച ഹരീഷ് ആശുപത്രിയിൽ എത്തി. കുട്ടിയുടെ പിതാവെന്ന് അവകാശപ്പെടുന്ന വിവാഹ സർട്ടിഫിക്കറ്റ് കാണിക്കാൻ മൂന്ന് യുവാക്കളോട് പോലീസ് ആവശ്യപ്പെട്ടപ്പോൾ ഹരീഷിന് മാത്രമാണ് സർട്ടിഫിക്കറ്റ് കാണിക്കാൻ കഴിഞ്ഞത്. ഹരീഷ് സ്വന്തം കുട്ടിയുടെ പിതാവാണെന്നും യുവതി പറഞ്ഞിട്ടുണ്ട്. യുവതി ഇപ്പോൾ ആശുപത്രിയിലാണ്.
