ഒരു വിമാനത്തില്‍ യാത്ര ചെയ്യുമ്പോൾ ആരെങ്കിലും നിലവിളിക്കുകയോ ഭീഷണി മുഴക്കുകയും ചെയ്താൽ. നിങ്ങൾക്ക് എന്ത് സംഭവിക്കുമെന്ന് സങ്കൽപ്പിക്കുക? ഇപ്പോഴിതാ അത്തരത്തിലൊരു സംഭവമാണ് പുറത്തുവന്നിരിക്കുന്നത്. പറക്കുന്നതിനിടയിൽ ഒരു സ്ത്രീ വിമാനത്തിൽ വസ്ത്രങ്ങൾ അഴിച്ച് അങ്ങോട്ടും ഇങ്ങോട്ടും ഓടാൻ തുടങ്ങി. അതേസമയം പൊട്ടിത്തെറിക്കുമെന്ന് യുവതി വിമാനത്തിനുള്ളിൽ ഉച്ചത്തിൽ മുദ്രാവാക്യം വിളിക്കുകയായിരുന്നു. ഇതേത്തുടർന്ന് യാത്രക്കാർക്കിടയിൽ ബഹളമുണ്ടായി.
ലാർനാക്കയിൽ നിന്ന് മാഞ്ചസ്റ്ററിലേക്ക് പറന്ന ജെറ്റ് 2 എയർക്രാഫ്റ്റ് കമ്പനിയുടെ വിമാനത്തിലാണ് ഇത് സംഭവിച്ചത്. വിമാനത്തിൽ വസ്ത്രങ്ങൾ അഴിച്ചുമാറ്റി മുദ്രാവാക്യം വിളിച്ച യുവതി വിമാനത്തിൽ പൊട്ടിത്തെറിക്കാൻ പാകത്തിലുള്ള വസ്തുക്കളുണ്ടെന്ന് അവകാശപ്പെട്ടു. യുവതയുടെ ഈ പ്രസ്താവനയോടെ യാത്രക്കാരെല്ലാം പരിഭ്രാന്തരായി. യുവതി രണ്ടുതവണ കോക്പിറ്റിലേക്ക് പ്രവേശിക്കാൻ ശ്രമിച്ചു. എന്നാൽ വിമാനത്തിലുണ്ടായിരുന്ന ഒരാൾ യുവതിയെ പിടികൂടി.
സ്ത്രീയെ പിടികൂടാൻ സഹായിച്ചത് 35 കാരനായ ഫിലിപ്പ് ഒബ്രിയാൻ ആയിരുന്നു. വിമാനത്തിൽ സംഘർഷാവസ്ഥ സൃഷ്ടിച്ച സ്ത്രീക്ക് 30 വയസ്സുണ്ട്. ജെറ്റ് 2 വിൽ പൊട്ടിത്തെറിക്കാൻ സാധ്യതയുണ്ടെന്ന് ആരോപിച്ച സത്രീ ആളുകളോട് മരണത്തിന് തയ്യാറാവാൻ ആവശ്യപ്പെട്ടു.
യുവതിയുടെ ബഹളത്തെ തുടർന്ന് വിമാനം വഴിതിരിച്ചുവിട്ട് പാരീസിൽ ഇറക്കിയ ശേഷം സുരക്ഷാ ഉദ്യോഗസ്ഥർ യുവതിയെ ചോദ്യം ചെയ്യുന്നതിനായി കസ്റ്റഡിയിലെടുത്തു. ഫിലിപ്പ് ഒരു ഡ്രെയിനേജ് സ്ഥാപനത്തിന്റെ ഉടമയാണ്. മുമ്പ് ഒരു സെക്യൂരിറ്റി ഗാർഡായി ജോലി ചെയ്തിരുന്നു. ഭാര്യയും മക്കളും ഉൾപ്പെടെയുള്ള കുടുംബത്തോടൊപ്പമാണ് അദ്ദേഹം ഈ വിമാനത്തിൽ ഉണ്ടായിരുന്നത്. വിമാനത്തിൽ എല്ലാം സാധാരണ നിലയിലാണെന്ന് ഒബ്രിയൻ പറഞ്ഞു. ഇതിനിടയിൽ ഒരു സ്ത്രീ തന്റെ വസ്ത്രങ്ങൾ അഴിച്ചുമാറ്റി സീറ്റുകളുടെ നടുവിലിരുന്ന് നിലവിളിക്കാൻ തുടങ്ങി. മുദ്രാവാക്യം വിളിച്ച് കോക്പിറ്റിലേക്ക് കയറാൻ ശ്രമിക്കുകയായിരുന്നു യുവതി.
വിമാനത്തിൽ യാത്ര ചെയ്തിരുന്ന യാത്രക്കാർ ഭയന്ന് നിലവിളിച്ചുവെന്ന് അദ്ദേഹം പറഞ്ഞു. വിമാന കമ്പനിയും ഇക്കാര്യം സ്ഥിരീകരിച്ചിട്ടുണ്ട്. സാഹചര്യം കൈകാര്യം ചെയ്തതിന് കമ്പനി ജീവനക്കാർക്ക് നന്ദി അറിയിച്ചു. ഇതോടൊപ്പം യാത്രക്കാരോട് കമ്പനി ക്ഷമാപണം നടത്തിയിട്ടുണ്ട്.
