ഇന്ത്യയെപ്പോലുള്ള പല രാജ്യങ്ങളിലും അപകടസമയങ്ങളിലോ മറ്റെന്തെങ്കിലും പ്രശ്നങ്ങൾ നേരിട്ടുകൊണ്ടിരിക്കുമ്പോഴും പോലീസുമായി വിവരങ്ങൾ കൈമാറാൻ ഒരു പ്രത്യേക നമ്പർ നൽകുന്നുണ്ട്. ഇത്തരം നമ്പറുകൾ നൽകുക വഴി ആളുകൾക്ക് ഏത് സമയത്തും പോലീസുമായോ പോലീസ് സ്റ്റേഷനുമായോ വിവരങ്ങൾ കൈമാറാൻ സാധിക്കും. ആളുകൾ തങ്ങളുടെ പ്രശ്നങ്ങൾ പോലീസിൽ അറിയിക്കുന്നത് നിങ്ങൾ കണ്ടിട്ടുണ്ടാകും.എന്നാൽ ആരെങ്കിലും പോലീസിനെ വിളിച്ച് അവരെ അധിക്ഷേപിക്കുന്നത് നിങ്ങൾ എപ്പോഴെങ്കിലും കേട്ടിട്ടുണ്ടോ? കാരണം അധികം ആളുകൾ ഒന്നും തന്നെ അത്തരം പണി തരുന്ന ഒരു കാര്യം ചെയ്യാറില്ല എന്നതാണ് സത്യം. അത്തരമൊരു ബുദ്ധിമുട്ടുള്ള ജോലി ചെയ്യാൻ ആരും ആഗ്രഹിക്കുന്നുമില്ല. എന്നാൽ ജപ്പാനിലെ ഒരാൾ പോലീസിനെ വിളിച്ച് വളരെ മോശമായ ഒരു കാര്യം പറഞ്ഞപ്പോൾ സംഭവിച്ചത് എന്താണ് എന്ന് നോക്കാം.
ഓഡിറ്റ സെൻട്രൽ ന്യൂസ് വെബ്‌സൈറ്റിൽ നിന്നുള്ള ഒരു റിപ്പോർട്ട് അനുസരിച്ച് ജപ്പാനിലെ സൈതാമ പ്രിഫെക്ചർ ഏരിയയിൽ നിന്ന് എല്ലാവരേയും ഞെട്ടിച്ച ഒരു സംഭവം നടന്നു. വാസ്തവത്തിൽ ഇവിടെ നിന്നുള്ള 67 കാരനായ ഒരാൾ പോലീസിനെ വിമർശിക്കാൻ ചെയ്തത് എന്താണെന്നറിയാമോ? വെറും 9 ദിവസത്തിനുള്ളിൽ അയാൾ 2000-ത്തിലധികം തവണ പോലീസിനെ വിളിച്ചു. റിപ്പോർട്ട് അനുസരിച്ച് 2022 സെപ്റ്റംബർ 30 മുതൽ 2022 ഒക്ടോബർ 8 വരെ ഇയാൾ 2,060 തവണയാണ് പോലീസിനെ വിളിച്ചത്. അപാര മനോധൈര്യം എന്നല്ലാതെ മറ്റെന്തു പറയാൻ.
9 ദിവസത്തിനുള്ളിൽ 2000 തവണ പോലീസിനെ വിളിച്ചതിന് പിന്നിലുള്ള വളരെ രസകരമായ കാരണങ്ങളാണ് ഇയാള്‍ പറഞ്ഞത്. ഇയാളുടെ കോൾ റിപ്പോർട്ട് എടുത്തു നോക്കിയാൽ
6 മിനിറ്റിലൊരിക്കൽ പോലീസിനെ വിളിക്കുകയും ആകെ സമയം കൂട്ടിയാൽ 9 ദിവസം കൊണ്ട് ഏകദേശം 27 മണിക്കൂർ പോലീസുമായി സംസാരികുകയും ചെയ്തിട്ടുണ്ട്. പോലീസിനെ വിളിച്ച് അവർ നികുതിവെട്ടിപ്പുകാരാണെന്നും വിഡ്ഢികളാണെന്നും ജോലി ഉപേക്ഷിക്കണമെന്നും പറഞ്ഞു. ഇയാളുടെ വീട് റെയ്ഡ് ചെയ്ത് അറസ്റ്റ് ചെയ്യുകയും ചെയ്തു. എന്നാൽ ആ മനുഷ്യൻ തന്നെ സ്വയം കുറ്റം സമ്മതിച്ചു. തന്നെ അന്വേഷിച്ച് പോലീസ് വീട്ടിലെത്തുമെന്ന് തനിക്ക് ധാരണയുണ്ട് എന്നും അയാൾ തന്നെ പറഞ്ഞു.
ഇയാളുടെ ഫോണിന്റെ കോൾ ഹിസ്റ്ററി കണ്ടപ്പോൾ പോലീസുകാർ പോലും ഞെട്ടി. ഏറെ നേരം പോലീസിനെ വിളിച്ചിരുന്നെങ്കിലും ഈ 9 ദിവസത്തിനിടയിലാണ് അയാൾ ഏറ്റവും കൂടുതൽ പോലീസിനെ വിളിച്ചിട്ടുള്ളത്. ആ മനുഷ്യൻ തന്നെക്കുറിച്ച് കൂടുതൽ വെളിപ്പെടുത്തുന്നില്ല എന്നതാണ് മറ്റൊരു കാര്യം. എന്തിനുവേണ്ടിയാണ് അയാൾ പോലീസിനെ ഇങ്ങനെ വിളിച്ചതെന്ന് ഇതുവരെയും വെളിപ്പെടുത്തിയിട്ടില്ല. അന്വേഷണം നടന്നു കൊണ്ടിരിക്കുകയാണ്. കൂടുതൽ വിവരങ്ങൾ ഒന്നും ലഭ്യമല്ല.
