നമുക്കറിയാം ഇന്ന് നമ്മുടെ സമൂഹത്തിൽ വിവാഹമോചനങ്ങളുടെ എണ്ണം ദിനംപ്രതി വർദ്ധിച്ചു വരികയാണ്.വിവാഹം കഴിഞ്ഞ് കുറച്ചു മാസങ്ങളോ അല്ലെങ്കിൽ ഒരു വർഷമോ കഴിയുംമ്പോഴേക്കും ഒട്ടുമിക്ക ദാമ്പത്യങ്ങളും തകർച്ചയുടെ വക്കിലെത്തുന്നു. ഒരു വർഷത്തിനിടയിൽ വിവാഹം മോചനം നേടിയവരുടെ കണക്കെടുത്ത് നോക്കിയാൽ ഞെട്ടിക്കുന്ന കണക്കാണ് നമുക്ക് കാണാൻ കഴിയുക. അടുത്തിടെ വിവാഹം കഴിഞ്ഞ് ഒരു വർഷത്തിനുള്ളിൽ വിവാഹമോചനം നേടുന്നവരുടെ എണ്ണം കൂടിവരികയാണ്. എന്തായിരിക്കും ഇതിനു പിന്നിലുള്ള കാരണം എന്നൊന്ന് ചിന്തിച്ചു നോക്കൂ വിദ്യാസമ്പന്നരായ ആളുകൾ തന്നെയാണ് പല വിവാഹ മോചനങ്ങൾക്കും പിന്തുണ നൽകുന്നത് എന്ന കാര്യം കയ്പേറിയ സത്യമാണ്.
മുതിർന്നവർ നിശ്ചയിച്ച വിവാഹമാണെങ്കിലും പ്രണയ വിവാഹമാണ് എങ്കിൽ കൂടിയും സ്ഥിതി ഇത് തന്നെ. വർഷങ്ങളായി പ്രണയിച്ച യുവാക്കൾ വിവാഹം കഴിഞ്ഞ് ആറ് മാസത്തിനുള്ളിൽ “ഞാൻ ഒരു വശത്ത് നീ മറുവശത്ത്” എന്ന് പറഞ്ഞ് വിവാഹമോചനം നേടുകയും aa ദാമ്പത്യ ബന്ധത്തിന് തിരശ്ശീല വീഴുകയും ചെയ്യുന്നു. ഇത്തരം വിവാഹ മോചനങ്ങളിലെ വില്ലന്മാർ ആരൊക്കെയാണ് എന്ന് പരിചയപ്പെടാം.
തങ്ങൾ പങ്കാളിയേക്കാൾ മികച്ചവരാണെന്ന തോന്നൽ രണ്ടു പേരിലും വന്നു തുടങ്ങുന്നു.
തങ്ങൾ പങ്കാളിയേക്കാൾ മികച്ചവരാണെന്ന തോന്നലുണ്ടാകുന്നു. പങ്കാളിയേക്കാൾ ഭേദം താനാണ് എന്ന മനോഭാവം പലർക്കും ഉണ്ടാകാറുണ്ട്. ഇത്രയും നല്ല മനസ്സിൻ്റെ ഉടമയും അതിലുപരി പണവുമുള്ള എനിക്ക് അനുയോജ്യമല്ലാത്ത ഒരാളെ ഞാൻ എന്തിന് വിവാഹം കഴിച്ചുവെന്ന ചിന്ത പരസ്പരമുള്ള ഒരു ശത്രുത സൃഷ്ടിക്കുന്നു. ഇങ്ങനൊരു ചിന്താഗതി മനസ്സിലങ്ങനെ കിടക്കുന്നിടത്തോളം കാലം തൻറെ ജീവിതപങ്കാളി എന്ത് നന്മ ചെയ്താലും അതിൽ തെറ്റുകൾ കണ്ടെത്തും. ഇത് തെറ്റാണെന്ന മട്ടിൽ കളിക്കുന്ന കടുത്ത നീരസത്തിലേക്ക് നയിക്കുന്നു. ഇത് ദിവസങ്ങളോളം തുടരുകയും ദമ്പതികൾ വിവാഹമോചനത്തിലേക്ക് എത്തിപ്പെടുകയും ചെയ്യുന്നു.
നാം ഓരോരുത്തരും ഒരു കാര്യം ചിന്തിക്കുന്നതും മനസ്സിലാക്കുന്നത് നല്ലതാണ്.ലോകത്തുള്ള ഓരോ വ്യക്തിക്കും നല്ലതും ചീത്തയുമായ വശങ്ങളുണ്ട്.എല്ലാ ആളുകളും നന്മ മരങ്ങളല്ല. തെറ്റുകളും കുറവുകളുമുണ്ടാകും. ഒരാളുടെ കുറവുകളെ മാത്രം ചൂണ്ടിക്കാണിക്കാൻ നിൽക്കാതെ അവൻ്റെ നല്ല വശങ്ങളിലേക്കും നമ്മുടെ കണ്ണുകളും മനസ്സിനെയും ഒന്ന് ഓടിച്ചു നോക്കൂ.പരസ്പരം പൊരുത്തപ്പെട്ട് ജീവിക്കാനും അറിയാനും ശ്രമിക്കുക.ഞാൻ എല്ലാം തികഞ്ഞവനാണ് എന്ന കാര്യം പാടെ ഒഴിവാക്കുക.ദാമ്പത്യം സന്തോഷകരമാകും.
സ്വാതന്ത്ര്യം ഇല്ലെന്ന തോന്നൽ.
വിവാഹശേഷം എന്റെ സ്വാതന്ത്ര്യം അമിത നിയന്ത്രണത്തിലാവുകയും ഞാൻ ആഗ്രഹിക്കുന്നത് നേടാൻ കഴിയുന്നില്ല എന്ന തോന്നൽ ഒട്ടുമിക്ക ആളുകളിലും വന്നു തുടങ്ങുന്നു.ഇക്കാലത്ത് എല്ലാവരും വിദ്യാഭ്യാസമുള്ളവരാണ്. അതുകൊണ്ട് തന്നെ ധാരാളം പെൺകുട്ടികൾ ജോലി ചെയ്യുന്നുണ്ട്. വിവാഹത്തിന് ശേഷം ഒരു കരിയർ തുടരാൻ കഴിയാതെ വരുന്നത് അവർക്ക് ഒരു കൂട്ടിൽ കുടുങ്ങിപ്പോയ ഒരു തോന്നലുണ്ടാക്കും. കരിയറാണ് പ്രധാനമെന്നും വിവാഹശേഷം വലിയ അവസരങ്ങൾ വരുമെന്നും കരുതുന്നവർക്ക് പുറത്ത് പോയി ജോലി ചെയ്യാൻ കഴിയാതെ വരികയും ഉള്ളിൽ സ്വപ്നങ്ങളുടെ താഴികക്കുടം ഇടിഞ്ഞുവീഴുന്നത് പോലെ തോന്നും. അത് വിവാഹമോചനത്തിലേക്കും നയിച്ചേക്കാം.
ആശയവിനിമയത്തിന്റെ അഭാവം.
വധൂവരന്മാർക്ക് പരസ്പരം അധികം അറിയില്ലെന്നതാണ് മുതിർന്നവരുടെ വിവാഹം. വിവാഹത്തിന് ശേഷം മാത്രമേ അവർക്ക് പരസ്പരം മനസ്സിലാക്കാനും മുന്നോട്ട് പോകാനും കഴിയൂ. എന്നാൽ വിവാഹശേഷം ജോലിയുടെ പേരിലോ മറ്റ് കാരണങ്ങളാലോ സ്വതന്ത്രമായി സംസാരിക്കാനുള്ള അവസരങ്ങൾ ലഭിക്കാത്തതിനാൽ ഭാര്യയും ഭർത്താവും ഉള്ളിൽ ഓർപാട് കാര്യങ്ങൾ കടിച്ചമർത്തുകയും ദാമ്പത്യ ജീവിതത്തിൽ രണ്ടു പേരുടെയും ഇഷ്ടങ്ങളും സന്തോഷങ്ങളും പരസ്പരം മനസ്സിലാക്കാൻ കഴിയാതെ വരുമ്പോൾ നിശബ്ദമായ വാക്കുകൾ പോലും ഒറ്റയടിക്ക് പൊട്ടിത്തെറിക്കും. അങ്ങനെ കേൾക്കാനുള്ള ക്ഷമയില്ലാതിരിക്കുമ്പോ ഇരു ഹൃദയങ്ങളും തകർന്ന് വിവാഹമോചനത്തിലേക്ക് നയിച്ചേക്കാം.
അനുമാനങ്ങൾ തെറ്റുമ്പോൾ.
വിവാഹത്തിന് മുമ്പും ശേഷവും ജീവിതം ഇങ്ങനെയായിരിക്കണമെന്ന അമിത സങ്കൽപ്പങ്ങളുമായാണ് അധികമാളുകളും വിവാഹത്തിലേക്ക് കാലെടുത്ത് വെക്കുന്നത്. എന്നാൽ വിവാഹം കഴിഞ്ഞ് ഒരാഴ്ചയ്ക്കുള്ളിൽ മനസ്സിലാഗ്രഹിച്ച പോലുള്ള കാര്യങ്ങൾ നടക്കാതെ വരുമ്പോൾ സ്വപ്നങ്ങൾ തകരുന്നു. പ്രണയവിവാഹമാണെങ്കിലും വിവാഹശേഷം പ്രതീക്ഷകൾ ഏറെയാണ്. ഉദാഹരണത്തിന് വിവാഹത്തിന് മുമ്പ് ഒരുപാട് സംസാരിച്ചിരുന്ന ഒരു ആൺകുട്ടി വിവാഹശേഷം വീട്ടുകാരുടെ വാക്കുകൾക്ക് കൂടുതൽ പ്രാധാന്യം നൽകുകയും നവവധുവായ ഭാര്യയുടെ ആഗ്രഹങ്ങൾ നിരസിക്കുകയും ചെയ്യുമ്പോൾ അവർക്കിടയിൽ ഒരു നീരസം ഉണ്ടാകാം. അവരുടെ പ്രതീക്ഷകളും ആഗ്രഹങ്ങളും പൊരുത്തപ്പെടാത്തപ്പോൾ അത് രണ്ട് ആളുകളെ പരസ്പരം ഭിന്നിപ്പിക്കുന്നു.
ജീവിതശൈലിയിൽ അപ്രതീക്ഷിതമായ മാറ്റം.
ഇഷ്ടം പോലെ തിന്നുകയും ഉറങ്ങുകയും ഇഷ്ടം പോലെ ജോലി ചെയ്യുകയും ചെയ്യുന്നവർക്ക് വിവാഹശേഷം ഉത്തരവാദിത്തങ്ങൾ ചുമലിൽ വീണതോടെ എല്ലാം തകിടം മറിഞ്ഞ പോലെ തോന്നും. ഒന്നല്ല രണ്ടു യാത്രക്കാരുള്ള പുതിയ ജീവിതമാണ് വിവാഹം എന്ന് മനസ്സിലാക്കണം. അല്ലാതെ അവരുടെ ഇഷ്ടം പോലെ പെരുമാറിയാൽ ദാമ്പത്യ ജീവിതത്തിൽ നേരിടേണ്ടി വരുന്ന പ്രശ്‌നങ്ങൾ അവർക്ക് ഒരിക്കലും മനസിലാകില്ല. അവരുടെ സ്വകാര്യ ജീവിതം പോയി. അവർക്ക് ശ്വാസം മുട്ടുന്ന പോലെ തോന്നുന്നു.അവർക്ക് ഒരു സ്വകാര്യതയും ഇല്ല എന്ന ചിന്ത ഉള്ളിൽ വരികയും തുടർന്ന് വിവാഹം മോചനം വേണമെന്ന തീരുമാനത്തിൽ എത്തിപ്പെടുകയും ചെയ്യുന്നു.
വിവാഹമോചനത്തിലൂടെ വേർപെടുത്താവുന്ന ഒരു ബന്ധമല്ല.
വിവാഹമെന്നത് രണ്ട് അപരിചിതർ പരസ്പരം കണ്ടുമുട്ടുകയും തുടർന്ന് അകലാൻ കഴിയാത്ത രീതിയിൽ പരിചിതരാകുകയും ചെയ്യുന്നു. തുടർന്ന് പരസ്പരം മനസ്സിലാക്കുകയും സ്നേഹത്തിൽ ഒരുമിച്ച് ജീവിക്കുകയും ചെയ്യുന്നു. പരസ്പരം അറിയുക എന്നതിലുപരി രണ്ടുപേർക്കുമിടയിൽ വികാരങ്ങൾക്ക് തുറന്ന സ്വാതന്ത്ര്യം ഉണ്ടായിരിക്കണം. അത് ഒരാളുടെ സ്വകാര്യ ജീവിതമല്ല.വ്യക്തിപരമായ സമയം ഇരുവർക്കും വേണ്ടി മാറ്റിവെക്കണം. സ്വപ്‌നം മാത്രമല്ല, ഇരുവരുടെയും സ്വപ്നങ്ങൾ നിറവേറ്റാനുള്ള സ്വാതന്ത്ര്യം ഉണ്ടായിരിക്കണം. എല്ലാറ്റിനുമുപരിയായി രണ്ട് കുടുംബ ബന്ധങ്ങളോടും ബഹുമാനം ഉണ്ടായിരിക്കണം. തെറ്റുകൾ അംഗീകരിക്കുകയും അത് തിരുത്തി മുന്നോട്ട് പോകുക. എല്ലാറ്റിലുമുപരി പരസ്പരം ശത്രുത ഒഴിവാക്കുക.ഈ സാഹചര്യത്തിൽ വിവാഹമോചനത്തെക്കുറിച്ച് നിങ്ങൾക്ക് ഒരിക്കലും ചിന്തിക്കേണ്ടി വരില്ല.
