സാങ്കേതികവിദ്യ ലോകത്ത് വലിയ പുരോഗതി കൈവരിച്ചു. ഇന്നത്തെ കാലത്തെക്കുറിച്ച് മാത്രമല്ല, ചരിത്രത്തിലെ പല കാര്യങ്ങളെക്കുറിച്ചും ആളുകൾക്ക് ഇപ്പോൾ കണ്ടെത്താൻ കഴിയും. ഈ സാങ്കേതികവിദ്യ കാരണം 1000 വർഷം മുമ്പ് അമേരിക്കയിലെ ടെക്സാസിൽ മരിച്ച ഒരാളുടെ അസ്ഥികൂടത്തില്‍ നിന്നും മരണ കാരണം ശാസ്ത്രജ്ഞർ കണ്ടെത്തി. ഖനനത്തിനിടെ പുരാവസ്തു വകുപ്പ് ഈ മനുഷ്യന്‍റെ അസ്ഥിക്കൂടം കണ്ടെത്തുകയായിരുന്നു. ഈ മമ്മിയെക്കുറിച്ച് അന്വേഷിച്ചപ്പോഴാണ് ഈ മനുഷ്യൻ എങ്ങനെയാണ് മരിച്ചതെന്ന് കണ്ടെത്തിയത്.
മമ്മിയുടെ പ്രായം 1000-1400 വര്‍ഷം പഴക്കമുണ്ട്. അവസാന സമയത്ത് അതായത് മരണത്തിന് തൊട്ടുമുമ്പുള്ള വേദനാജനകമായ മാസങ്ങളിൽ അദ്ദേഹം വെട്ടുകിളികളെ കഴിച്ചുവെന്നും വയറിനുള്ളില്‍ വെട്ടുക്കിളികൾ മാത്രമാണെന്നും ഗവേഷണങ്ങൾ വെളിപ്പെടുത്തി. പ്രാണികളെ ഭക്ഷിച്ചതിനാലാണ് അദ്ദേഹം മരിച്ചത്. മരിച്ചയാള്‍ക്ക്‌ മലബന്ധ പ്രശ്നങ്ങളും ഉണ്ടായിരുന്നു. അദ്ദേഹത്തിന്‍റെ വൻകുടൽ സാധാരണയേക്കാൾ 6 മടങ്ങ് വലുതായിരുന്നു. ഈ അവസ്ഥയെ “മെഗാകോളൻ” എന്ന് വിളിക്കുന്നു. ഈ അവസ്ഥ മനുഷ്യന് സ്വന്തമായി നടക്കാനോ ഭക്ഷണം കഴിക്കാനോ ബുദ്ധിമുട്ടായിരിക്കും. ജീവിതത്തിന്‍റെ അവസാന രണ്ട് മൂന്ന് മാസങ്ങളിൽ കുടുംബാംഗങ്ങളോ അദ്ദേഹത്തിന്‍റെ കമ്മ്യൂണിറ്റിയിലെ അംഗങ്ങളോ കാലുകൾ നീക്കം ചെയ്ത വെട്ടുക്കിളികളെ നൽകി ഭക്ഷണം കഴിക്കാൻ അദ്ദേഹത്തെ സഹായിച്ചതായി ഗവേഷകർ കരുതുന്നു. ടെക്സസിലെ ലോവർ പീക്ക്സ് കൻ‌യോൺ‌ലാൻഡിന് സമീപമാണ് ഗവേഷകർ മമ്മിയെ കണ്ടെത്തിയത്.
വെട്ടുക്കിളികളെ കഴിക്കുന്നതിനാൽ ചഗാസ് എന്ന രോഗം അദ്ദേഹത്തിന് ബാധിച്ചിരുന്നു. അതിനാൽ ദഹനവ്യവസ്ഥ പൂർണ്ണമായും തടസ്സപ്പെട്ടിരുന്നു. 1937 ലാണ് ഈ മമ്മി കണ്ടെത്തിയത്. 1968 വരെ ഇത് സ്വകാര്യ മ്യൂസിയത്തിൽ സൂക്ഷിച്ചു. എഴുപതുകൾക്ക് ശേഷം ഇത് ശാസ്ത്രീയ പഠനത്തിനായി ഉപയോഗിക്കാൻ തുടങ്ങി.
