നമ്മുടെ ഗ്രഹം നിരവധി ഇനം മൃഗങ്ങളുടെ ആവാസ കേന്ദ്രമാണ്. ഇവയിൽ പലതും അപൂർവമായി കാണപ്പെടുന്ന അപൂർവ ജീവികളാണ്. ചിലപ്പോൾ നമ്മൾ സങ്കൽപ്പിക്കാൻ പോലും കഴിയാത്ത വിചിത്രജീവികളെ കണ്ടുമുട്ടുന്നു. അത്തരത്തിലുള്ള ഒരു സൃഷ്ടി ഇപ്പോള്‍ ലോകമെമ്പാടും പ്രധാനവാർത്തകളില്‍ ഇടംപിടിച്ചിരിക്കുന്നു. അമേരിക്കയിലെ നോർത്ത് കരോലിനയിലെ കടൽത്തീരത്ത് ഒരു അജ്ഞാത കടൽജീവിയെ കണ്ടെത്തി. ഇത് വിദഗ്ധരെ പോലും അത്ഭുതപ്പെടുത്തി. ഈ ജീവിയെകുറിച്ച് ആർക്കും ഒന്നുംതന്നെ അറിയില്ല.
യുഎസ് നാഷണൽ പാർക്ക് അധികൃതർ തങ്ങളുടെ ഫേസ്ബുക്ക് പേജിൽ ദുരൂഹജീവിയുടെ ചിത്രം പോസ്റ്റ്‌ ചെയ്ത്കൊണ്ട് വിവരങ്ങൾ ചോദിച്ചു. ഈ ജീവിയെ തിരിച്ചറിയുന്നതിൽ പരാജയപ്പെട്ടതിനാൽ അവര്‍ ഇപ്പോൾ ആളുകളോട് ഇതിനെക്കുറിച്ച് അറിയാൻ സഹായം തേടുന്നു. എന്നിരുന്നാലും ഈ ജീവി ഒരു മുട്ടയിൽ നിന്ന് ജനിച്ചതാകാമെന്ന് ഉദ്യോഗസ്ഥർ അനുമാനിക്കുന്നു.
ഈ വിചിത്ര ജീവിയ്ക്ക് നിരവധി വിരലുകളും കൈകാലുകളും ഉണ്ട്. ഈ കടൽ ജീവി ചെറിയ വെളുത്ത പന്തുകൾ നിറഞ്ഞതായി തോന്നുന്നു. അമേരിക്കയിൽ നിന്ന് കണ്ടെത്തിയ ഈനിഗൂഡ കടൽജീവിയുടെ ഫോട്ടോ ഫേസ്ബുക്കിൽ പോസ്റ്റ്‌ ചെയ്ത്കൊണ്ട് ആളുകളോട് ചോദിച്ചു. ഈ ജീവി എന്താണെന്ന് നിങ്ങൾക്കറിയാമോ? കുറച്ച് മാസങ്ങൾക്ക് മുമ്പ് ഇത് കടൽത്തീരത്ത് കണ്ടെത്തിയതാണ്. ഇപ്പോൾ ആർക്കും ഇതിനെക്കുറിച്ച് അറിയില്ല. സോഷ്യൽ മീഡിയ പ്ലാറ്റ്‌ഫോമിൽ ഫോട്ടോ പോസ്റ്റ്‌ ചെയ്ത ഉടൻ ആളുകൾ ഈ സൃഷ്ടിയെക്കുറിച്ച് ഊഹിക്കാന്‍ തുടങ്ങി.
എന്നിരുന്നാലും ഇത് ഒരു “കണവ മുട്ട പിണ്ഡം” ആണെന്ന് ഒരു വ്യക്തി ചൂണ്ടിക്കാട്ടി. മുട്ട വളരാനും ജീവജാലം അതിൽ നിന്ന് പുറത്തുവരാനും കഴിയുന്ന തരത്തിൽ ഇത് വീണ്ടും കടലിലേക്ക് എറിയണമെന്നാണ് അദ്ദേഹത്തിന്‍റെ അഭിപ്രായം. മൈക്കൽ വെച്ചിയൻ എന്ന മറ്റൊരു വ്യക്തി കമന്റ് ബോക്സിൽ ഒരു ലേഖനം പങ്കുവെച്ചു. ഇത് ലോലിഗിനിഡേ എന്ന സമുദ്രജീവിയാണ്. കാലിഫോർണിയ മാർക്കറ്റ് സ്ക്വിഡ് കുടുംബത്തിൽ പ്പെട്ട ഒരു ഇനമാണ്. ഡ്രോസ്ട്രിംഗിനാൽ ചുറ്റപ്പെട്ട ഒരു ചാക്ക് പോലെ ഇത് കാണപ്പെടുന്നു.
