ആളുകൾ ലോകത്ത് പലതരം മൃഗങ്ങളെ വളർത്തുന്നു. നായ്ക്കളും പൂച്ചകളും സാധാരണമാണ്. ഇപ്പോൾ ആളുകൾ പലതരം പാമ്പുകളെ വളർത്താൻ തുടങ്ങിയിരിക്കുന്നു എന്നാൽ ആരെങ്കിലും ഈ ഹോബി പരിധി കടന്ന് നൂറിലധികം പാമ്പുകളെ വളർത്തിയാലോ? നൂറ് പാമ്പുകളെ വളർത്തുന്ന വാർത്ത സാധാരണമല്ലെന്ന് വ്യക്തം. അമേരിക്കയിലെ മേരിലാൻഡിൽ താമസിക്കുന്ന ഒരു വ്യക്തിയും സമാനമായ ഒരു കാര്യം ചെയ്തു. ആളുകളുടെ കണ്ണിൽ പെടാതെ ഈ പാമ്പുകളെ ഇയാൾ ഒളിപ്പിച്ചു വച്ചിരുന്നു എന്നതാണ് ഏറ്റവും ഞെട്ടിപ്പിക്കുന്ന കാര്യം. ആളുടെ വീട്ടിൽ ഇത്രയധികം പാമ്പുകൾ ഉണ്ടായിരുന്നു എന്നത് അയാൾ മരിച്ചതിനു ശേഷമാണ് പുറത്തുവന്നത്.
ചാൾസ് കൗണ്ടി പോലീസ് ഡിപ്പാർട്ട്‌മെന്റ് ഇക്കാര്യം വെളിപ്പെടുത്തി പ്രസ്താവന ഇറക്കി. 49 കാരനായ ഇയാളെ വീട്ടിൽ മരിച്ച നിലയിൽ കണ്ടെത്തി. അയൽവാസിയാണ് വീടിനുള്ളിൽ അബോധാവസ്ഥയിൽ കിടക്കുന്നത് കണ്ടത്. തുടർന്ന് അയൽവാസിയാണ് വിവരം പോലീസിൽ അറിയിച്ചത്. പോലീസ് ഇയാളുടെ വീടിനുള്ളിൽ കയറിയപ്പോൾ അവിടെയുള്ള ദൃശ്യം കണ്ട് അവർ ഭയന്നുപോയി. വീടിന്റെ എല്ലാ ഭാഗത്തും പാമ്പുകൾ ഇഴഞ്ഞിരുന്നു. പോലീസ് ഇയാളുടെ അടുത്ത് ചെന്നപ്പോൾ ഇയാൾ മരിച്ചിട്ട് ഉണ്ടെന്ന് മനസ്സിലായി.
പോലീസ് ഉടൻ തന്നെ ചാൾസ് കൗണ്ടി ആനിമൽ കൺട്രോളിൽ വിവരമറിയിച്ചു. വീട്ടിനുള്ളിൽ എത്തിയ സംഘം 125 ഓളം പാമ്പുകളെ പിടികൂടി. ഇതേക്കുറിച്ച് അയൽവാസികളോട് പൊലീസ് ചോദിച്ചപ്പോൾ വീടിന് സമീപത്തെ വീട്ടിൽ ഇത്രയധികം പാമ്പുകൾ താമസിക്കുന്നുണ്ടെന്ന വിവരവും അവർക്കറിയില്ലായിരുന്നു എന്നു പറഞ്ഞു. മൃതദേഹം പരിശോധിച്ച പോലീസ് ഇയാളുടെ ശരീരത്തിൽ മുറിവുകളൊന്നും ഇല്ലെന്ന് കണ്ടെത്തി. പാമ്പുകടിയേറ്റ് മരിച്ചതാകാമെന്നാണ് അനുമാനം.
അനിമൽ കൺട്രോൾ പിടികൂടിയ 125 പാമ്പുകളിൽ ചിലത് വളരെ വലുതും ചിലത് വളരെ ചെറുതുമായിരുന്നു. ഇതിൽ ഏറ്റവും വലുത് 14 അടി നീളമുള്ള ബർമീസ് പെരുമ്പാമ്പായിരുന്നു. അതേസമയം തന്റെ ഇതുവരെയുള്ള ജീവിതാനുഭവത്തിൽ ഇത്രയും പാമ്പുകളെ ഒറ്റയടിക്ക് പിടികൂടിയിട്ടില്ലെന്ന് ആനിമൽ കൺട്രോൾ ടീമിലെ ഉദ്യോഗസ്ഥൻ പറഞ്ഞു. ഇക്കാര്യം ശ്രദ്ധയിൽപ്പെട്ടതോടെ അയൽവാസികളും ഭീതിയിലാണ്. തങ്ങളുടെ വീടിനോട് ചേർന്ന് ഇത്രയധികം പാമ്പുകൾ ഉണ്ടെന്ന് അയൽവാസികൾക്ക് വിശ്വസിക്കാൻ കഴിഞ്ഞില്ല. കാര്യം പുറത്തായത് ഭാഗ്യം അല്ലാത്തപക്ഷം പാമ്പുകൾ വീടിന് പുറത്തേക്ക് ഇറങ്ങിയിരുന്നെങ്കിൽ സ്ഥിതി ഭയാനകമായേനെ.
