കുറച്ച് അധിക പണം സമ്പാദിക്കുന്നതിന് ധാരാളം ആളുകൾ അവരുടെ പതിവ് ജോലികൾക്കൊപ്പം മറ്റു ജോലികളും ചെയ്യുന്നു ഈ ജോലികളിൽ ഭൂരിഭാഗവും പൊതുവെ പാർട്ട് ടൈം ആണെങ്കിലും അവയ്ക്ക് കൂടുതല്‍ പണം ലഭിച്ചെന്ന് വരില്ല. എന്നിരുന്നാലും സമ്പത്തുണ്ടാക്കാൻ നിങ്ങളുടെ കീഴ്വായു വിൽക്കുന്നതിനെക്കുറിച്ച് നിങ്ങൾ എപ്പോഴെങ്കിലും ചിന്തിച്ചിട്ടുണ്ടോ? ഇല്ല അല്ലെ, ഞങ്ങൾ കളിയാക്കുകയല്ല. യുഎസിൽ നിന്നുള്ള ഒരു ടിവി താരം, ദുർഗന്ധം വമിക്കുന്ന തന്റെ കീഴ്വായു വിറ്റ് പണം സമ്പാദിക്കുന്നതായി അവകാശപ്പെട്ടു.
90 ഡേ ഫിയൻസ് എന്ന റിയാലിറ്റി ടിവി ഷോയിൽ പ്രത്യക്ഷപ്പെട്ടതിന് ശേഷം പ്രശസ്തി നേടിയ സ്റ്റെഫാനി മാറ്റോ, മേസൺ ജാറുകളിൽ സ്വന്തം കീഴ്വായു വിൽക്കുന്ന വിചിത്രമായ ബിസിനസ്സിന് ഇപ്പോൾ വൈറലായിരിക്കുകയാണ്. അത് മണ്ടത്തരമോ മോശമോ ആണെന്ന് നിങ്ങൾ കരുതുന്നുവെങ്കിൽ 97 ജാറുകൾ കീഴ്വായു വിറ്റ് സ്റ്റെഫാനി ഒരാഴ്ച കൊണ്ട് 50,000 ഡോളറിലധികം (ഏകദേശം 38 ലക്ഷം രൂപ) സമ്പാദിച്ചുവെന്ന് പറയപ്പെടുന്നു.
സ്റ്റെഫാനി തന്റെ ഇൻസ്റ്റാഗ്രാം ഫോളോവേഴ്‌സിനെ കീഴ്വായു ജാർ ലഭ്യത പതിവായി അപ്‌ഡേറ്റ് ചെയ്യുന്നു കൂടാതെ അവർ ഇപ്പോൾ $1,000 (ഏകദേശം 76,000 രൂപ) ഓഫര്‍ വിലക്കുറവിൽ വിൽക്കുന്നു. ഒരു വീഡിയോയില്‍ ഈ വിചിത്രമായ ബിസിനസ്സ് ആരംഭിച്ചതിന് ശേഷം തനിക്ക് ലഭിച്ച ചോദ്യങ്ങൾ അവൾ വിശദീകരിക്കുന്നു.
“ഞാൻ ശരിക്കും ഒരു വലിയ വിപണിയിലേക്ക് പ്രവേശിച്ചുവെന്ന് ഞാൻ കരുതുന്നു, അനന്തമായ സാധ്യതകൾ ഉണ്ടെന്ന് തോന്നുന്നു,” ന്യൂയോർക്ക് പോസ്റ്റിനോട് പറഞ്ഞു. “വിനോദിപ്പിക്കാനും സംവാദങ്ങളും ചർച്ചകളും ഉയർത്താനും വ്യത്യസ്ത ജീവിതരീതികളിലേക്ക് ആളുകളുടെ കണ്ണുകൾ തുറക്കാനും എനിക്ക് കഴിഞ്ഞതിൽ ഞാൻ നന്ദിയുള്ളവളാണ്,” അവർ കൂട്ടിച്ചേർത്തു.
