ഇക്കാലത്ത് യുവാക്കൾക്കിടയിൽ ടാറ്റൂ കുത്താനുമുള്ള ആവേശം കൂടിവരികയാണ്. ടാറ്റൂകളിലൂടെ ആളുകൾ തങ്ങളുടെ മുദ്ര പതിപ്പിച്ചിട്ടുണ്ട്. ശരീരമാസകലം പച്ചകുത്തിയവർ നിരവധിയാണ്. കണ്ണിൽ പച്ചകുത്തിയ അമേരിക്കയിൽ നിന്നുള്ള ഒരു സ്ത്രീ ഇപ്പോള്‍ മാധ്യമ ശ്രദ്ധ പിടിച്ചുപറ്റിയിരിക്കുകയാണ്. ടെക്സസ് താമസിക്കുന്ന കിർസ്റ്റിൻ മില്ലിഗൻ (Kierstyn Milligan) അവളുടെ കണ്ണുകളിൽ പച്ചകുത്തിയിരിക്കുകയാണ്. ലക്ഷക്കണക്കിന് രൂപയാണ് ഇതിനായി ചെലവഴിച്ചത്
ഇതുവരെ 63,000 ഡോളറിലധികം തൻറെ ശരീരം പരിഷ്കരിക്കാൻ ചിലവഴിച്ചു. ഇന്ത്യൻ കറൻസി പ്രകാരം ഏകദേശം 47 ലക്ഷം രൂപയാണ് ഇതിനായി അവൾ ചെലവഴിച്ചത്. കണ്ണിൽ പച്ചകുത്തിയതിന് ശേഷം ആളുകൾ തന്നെ ‘ഭൂതം’ എന്ന് വിളിക്കാറുണ്ടെന്ന് അവൾ പറയുന്നു. അജ്ഞാതർ പോലും അവളോട്‌ അവരുടെ അഭിപ്രായം പറയുന്നു. അവളുടെ ടാറ്റൂകളെ താൻ വെറുക്കുന്നുവെന്ന് പലരും പറയുന്നു.
ടാറ്റൂകളുടെ പേരിൽ പലരും അവളെ വെറുക്കുന്നു, പക്ഷേ കീർസ്റ്റീൻ ആളുകളെ ശ്രദ്ധിക്കുന്നില്ല. പകരം അവൾ കൂടുതൽ ബോഡി മോഡിഫിക്കേഷൻ ചെയ്യാൻ ആഗ്രഹിക്കുന്നു. 2021 ന്റെ തുടക്കത്തിൽ 22 കാരിയായ കീർസ്റ്റീൻ തന്റെ കണ്ണുകളില്‍ പച്ചകുത്തിയിരുന്നു. 14-ാം വയസ്സിലാണ് അവള്‍ ആദ്യമായി ടാറ്റൂ കുത്തിയത്. അന്നുമുതൽ അവൾ ടാറ്റൂ ചെയ്യുന്നുണ്ട്.
ടാറ്റൂകൾ മാത്രമല്ല, പല്ലുകൾക്കും ബ്രെസ്റ്റ് ഇംപ്ലാന്റുകൾക്കുമായി അവൾ ഏകദേശം 21,000 ഡോളർ ചെലവഴിച്ചു. ശരീരത്തിൽ പലയിടത്തും ടാട്ടു ചെയ്തിട്ടുണ്ട്. ടിക് ടോക്കിൽ അവള്‍ക്ക് 690,000-ൽ അധികം ഫോളോവേഴ്‌സ് ഉണ്ട്. അവൾ പറയുന്നത് ഇങ്ങനെ ‘എനിക്ക് ഇതുപോലെ കാണണമെന്ന് എന്റെ ആഗ്രഹമായിരുന്നു. ചെറുപ്പം മുതലേ ഇത് എന്റെ മനസ്സിൽ ഉണ്ടായിരുന്നു, ഒടുവിൽ ഞാൻ അത് ചെയ്തു.’ 34 ലക്ഷം രൂപയാണ് അവൾ ഇതുവരെ ഇതിനായി ചെലവഴിച്ചത്.
അവൾ പറയുന്നു ‘2020-ൽ ചെയ്ത എന്റെ ടാറ്റൂകളിൽ എന്റെ കഴുത്തിൽ ഒരു പുഴു ഉണ്ട്, എന്റെ തോളിൽ റോസാപ്പൂവിന്റെ ഒരു കഠാരയുണ്ട്, എന്റെ കഴുത്തിൽ ഹീബ്രു ഭാഷയിൽ എന്തോ എഴുതിയിരിക്കുന്നു. ഈ വർഷം എന്റെ നെറ്റിയിൽ ഒരു ചിത്രശലഭമുണ്ട്, എന്റെ മുഖത്ത് റോസാപ്പൂവുള്ള ഒരു കഠാരയും എന്റെ കണ്ണുകളിൽ ടാറ്റൂവും ഉണ്ട്. എന്റെ ഏറ്റവും പുതിയ ടാറ്റൂ എന്റെ വയറ്റിൽ ചിത്രശലഭങ്ങളും സ്ട്രോബെറിയുമാണ്. നെറ്റിയിലെ ചിത്രശലഭമാണ് തനിക്ക് ഏറ്റവും ഇഷ്ടപ്പെട്ട ടാറ്റൂ എന്ന് അവർ പറയുന്നു. അത് തന്റെ വളരെ ധീരമായ നീക്കമായിരുന്നു.
