ജോലി എന്നത് എല്ലാ ആളുകളുടെയും ഒരു വലിയ സ്വപ്നം തന്നെയാണ്. ഞാനും നിങ്ങളുമൊക്കെ അടങ്ങുന്ന ഒരു സമൂഹത്തിന്റെ ഏറ്റവും വലിയ അടിസ്ഥാന ഘടകങ്ങളിൽ ഒന്നാണ് ജോലി. എല്ലാവർക്കും അവരവരുടെ സ്വപ്നങ്ങളും ആഗ്രഹങ്ങളും നേടിയെടുക്കാനും കുടുംബത്തെ നല്ല രീതിയിൽ കൊണ്ടു പോകുവാനും വേണ്ടിയാണ് ജോലി ചെയ്യുന്നതെന്ന കാര്യം എല്ലാവർക്കും അറിയാം. ഇന്ന് ആളുകളുടെ ജീവിത ശൈലി പാടെ മാറിയിട്ടുണ്ട്. എല്ലാവർക്കും സമ്പാദിക്കണം എന്ന ഒരേ ഒരു ആശയമാണ് ഉള്ളിൽ. അതിനു വേണ്ടിയുള്ള നെട്ടോട്ടമാണ് ഓരോരുത്തരുടെ ജീവിതത്തിലും പല രീതിയിലും കണ്ടു വരുന്നത്. അത് കൊണ്ട് തന്നെ എല്ലാ ജോലികൾക്കും അതിന്റേതായ മൂല്യമുണ്ട്. ഒരു ജോലിയും ചെറുതല്ല. നമുക്ക് ചുറ്റും പല തരത്തിലുള്ള ജോലികൾ ഉണ്ട്. അതിൽ പലരും വളരെ ആത്മാർത്ഥതയോട് കൂടി ചെയ്യുന്നവരും എന്നാൽ വളരെ മടുപ്പോടെ ചെയ്യുന്ന ജോലികളുമുണ്ട്. എല്ലാവർക്കും ആവശ്യം കൂടുതൽ ശമ്പളവും സുഖകരമായി ചെയ്യാവുന്ന ജോലിയുമാണ്. ഇത്തരത്തിലുള്ള ഒരുപാട് ജോലികൾ നമുക്ക് ചുറ്റുമുണ്ട്. അതായത് ചുമ്മാ ഭക്ഷണം കഴിച്ചാൽ, ബെഡിൽ കിടന്നുറങ്ങിയാൽ, വിസ്കി കുടിക്കുക തുടങ്ങിയവ ഒരു ജോലിയായി മാറ്റി ധാരാളം പണം സമ്പാദിക്കുന്ന ആളുകൾ നമുക്ക് ചുറ്റുമുണ്ട്. ഏതൊക്കെയാണ് അത്തരം ജോലികൾ എന്ന് നോക്കാം.
ആദ്യമായി ഫുഡ് ഫോട്ടോഗ്രാഫി എന്താണ് എന്ന് നോക്കാം. ഈ ജോലി ചെയ്ത് ഒരു ദിവസം കൊണ്ട് മാത്രം ആളുകൾ സമ്പാദിക്കുന്നത് ഏകദേശം 5000 മുതൽ 50000 രൂപ വരെയാണ്. ഫോട്ടോഗ്രാഫി ഒരിക്കലും പഠിപ്പിക്കാൻ കഴിയില്ല, പഠിക്കാനേ കഴിയുള്ളു എന്ന് നമ്മൾ ഒരുപാട് കേട്ടിട്ടുണ്ട്. അത് കൊണ്ട് തന്നെ അവനവന്റെ കഴിവുകൾ അനുസരിച്ച് ഇതിൽ കൂടുതലും സമ്പാദിക്കാം. ഫുഡ് ഫോട്ടോഗ്രാഫർ എന്നു വെച്ചാൽ, ഫുഡ് കഴിക്കുകയും അതിന്റെ മനോഹരമായ കൊതിപ്പിക്കുന്ന തരത്തിലുള്ള ആകർഷണീയമായ രീതിയിലുള്ള ഫോട്ടോകൾ എടുക്കുക. വൻകിട കമ്പനികൾക്കും മറ്റും അവരുടെ ഭക്ഷണ വിഭവങ്ങൾ വിപണിയിൽ എത്തിച്ചു വിജയിപ്പിക്കുവാനുള്ള ഒരു നല്ല വഴിയും കൂടിയാണിത്. ഒരു നല്ല ഫുഡ് ഫോട്ടോഗ്രാഫർ ആണെങ്കിൽ വൻകിട ഫുഡ് കമ്പനികളിൽ ഫ്രീലാൻസറായോ സ്ഥിരമായോ ജോലിയിൽ കയറാനായി സാധിക്കും. ഇത് പോലെ ഒട്ടേറെ ജോലികൾ ഇനിയുമുണ്ട്. അവ ഏതൊക്കെ എന്നറിയാൻ താഴെയുള്ള വീഡിയോ കാണുക.
