സാഹസികത ഇഷ്ടപ്പെടുന്ന ആളുകൾ ജീവിതത്തിൽ നിരവധി സാഹസങ്ങൾ ചെയ്യുന്നു. അത് സ്കൂബ ഡൈവിങ്ങോ ബംഗീ ജമ്പിംഗോ റിവർ റാഫ്റ്റിംഗോ എന്തുമാകട്ടെ. എന്നാൽ ചിലപ്പോൾ സാഹസികതയ്ക്കിടെ വലിയ കുഴപ്പങ്ങളും സംഭവിക്കുന്നു. അത്തരമൊരു കുഴപ്പം ഒരു സ്ത്രീയ്ക്ക് സംഭവിച്ചു. അവൾ പ്യൂർട്ടോ റിക്കോയിലെ സാൻ ജുവാൻ എന്ന സ്ഥലത്ത് വെള്ളത്തിൽ നീന്തുന്നതിനിടയിൽ ഒരു ചെറിയ ഞണ്ട് അവളുടെ ചെവിയിൽ പ്രവേശിച്ചു.
‘TikTok’ ഉപയോക്താവായ @wesdaisy ഷെയര്‍ ചെയ്ഹ്ട ഒരു വീഡിയോ ഇന്റർനെറ്റിൽ വ്യാപകമായി പ്രചരിച്ചു. സ്ത്രീയുടെ ചെവിക്കുള്ളില്‍ കയറിയ ഞണ്ടിനെ പുറത്തെടുക്കാന്‍ ഒരു സുഹൃത്തിന്റെ ആവർത്തിച്ചുള്ള ശ്രമങ്ങൾ വീഡിയോയിൽ കാണിക്കുന്നു. ഒരു ജോഡി ട്വീസർ ഉപയോഗിച്ച് സ്ത്രീയുടെ ചെവിയിൽ നിന്ന് ഞണ്ടിനെ നീക്കം ചെയ്യാൻ സുഹൃത്ത് ശ്രമിക്കുന്നുണ്ട്. പലതവണ പരാജയപ്പെട്ട ശ്രമങ്ങൾക്ക് ശേഷം ഞണ്ട് പുറത്തേക്ക് ചാടി.
ഈ വീഡിയോ കണ്ട് ആളുകൾ ഞെട്ടി. എങ്ങനെയാണ് ഞണ്ട് സ്ത്രീയുടെ ചെവിയിൽ കയറിയതെന്ന് ആളുകള്‍ക്ക് മനസ്സിലാകുന്നില്ല. വീഡിയോ 2.5 ദശലക്ഷത്തിലധികം ആളുകള്‍ കണ്ടു. കൂടാതെ ഈ വീഡിയോ സോഷ്യൽ മീഡിയയുടെ വിവിധ പ്ലാറ്റ്‌ഫോമുകളിൽ ഷെയര്‍ ചെയ്യപ്പെട്ടു.
ടിക്ടോക് ഇന്ത്യയില്‍ നിരോധിച്ചതിനാല്‍ വീഡിയോ ഇവിടെ പ്രദര്‍ശിപ്പിക്കാന്‍ നിര്‍വാഹമില്ല.
