ഒരു വിമാന യാത്ര ചെയ്യാൻ പല ആളുകളും ആളുകളും ഇപ്പോഴും ഭയപ്പെടുന്നുണ്ട്. ഭൂമിയിൽ നിന്ന് ആയിരക്കണക്കിന് അടി ഉയരത്തിൽ പറക്കുന്ന ഒരു വിമാനം ചിലപ്പോൾ മോശം കാലാവസ്ഥയിലൂടെയും ഇടിമിന്നലുകൾക്ക് ഇടയിലൂടെയും പറക്കുന്നത് ചിലരെ ഭയപ്പെടുത്തും. പ്രത്യേകിച്ച് മുമ്പ് വിമാനയാത്ര അനുഭവിച്ചിട്ടില്ലാത്തവരെ. ആപത്തിനെക്കുറിച്ചുള്ള ഭയം എപ്പോഴും അവരുടെ മനസ്സിൽ ഉണ്ടാകും. എന്നിരുന്നാലും ഒരു വിമാന യാത്രയെ കുറിച്ച് അധികമാർക്കും അറിയാത്ത ചില കാര്യങ്ങൾ ഞങ്ങൾ ഈ ലേഖനത്തിലൂടെ നിങ്ങളോട് പറയാൻ പോകുന്നു.
വിമാനയാത്ര സുരക്ഷിതമെന്ന് കരുതാത്ത ധാരാളം ആളുകൾ ബ്രിട്ടനിലുണ്ട്. ഭഭയം മൂലം വിമാനത്തിൽ കയറാൻ മടിക്കുന്ന ആളുകൾ ഇന്നും യുകെയിൽ ഉണ്ട്. ഏറ്റവും പ്രധാനപ്പെട്ട ഭയങ്ങളിലൊന്നാണ് മിന്നലുകളെക്കുറിച്ചുള്ള ഭയം. എന്നിരുന്നാലും ചില ഒറ്റപ്പെട്ട സംഭവങ്ങൾ ഒഴികെ ഇടിമിന്നൽ മൂലം വലിയ അപകടമൊന്നും വിമാനങ്ങൾക്ക് ഉണ്ടായിട്ടില്ല. 38% ആളുകളും വിമാനയാത്രയെ ഭയപ്പെടുന്നു. ഒരു ക്യാബിൻ ക്രൂ അസിസ്റ്റന്റ് ഇതിനെക്കുറിച്ച് എന്താണ് പറയുന്നതെന്ന് നമുക്ക് നോക്കാം.
ഇടിമിന്നൽ ഏൽക്കാത്ത രീതിയിലാണ് വിമാനങ്ങളുടെ പുറംഭാഗം നിർമ്മിച്ചിട്ടുള്ളത് അതിനാൽ മിന്നൽ സാധാരണഗതിയിൽ വിമാനങ്ങൾക്ക് അത്ര പ്രശ്നമാകില്ല. യാത്രക്കാരും വിമാനത്തിലെ ഉപകരണങ്ങളും സാധാരണയായി ഇടിമിന്നലിൽ നിന്ന് രക്ഷപ്പെടാനുള്ള കാരണം ഇതാണ്. എല്ലാ വർഷവും അല്ലെങ്കിൽ ഓരോ 1000 മണിക്കൂർ പറക്കുമ്പോഴും വിമാനങ്ങളിൽ മിന്നൽ ഏൽക്കാറുണ്ടെന്നും. എന്നാൽ ഇത് വളരെ സാധാരണമായതിനാൽ ആശങ്കപ്പെടേണ്ടതില്ലെന്നും അദ്ദേഹം പറഞ്ഞു.
എന്നിരുന്നാലും ഇടിമിന്നലിൽ നിന്നുള്ള അപകടങ്ങൾ എപ്പോഴും ഉണ്ടാകാം എന്നത് ശ്രദ്ധിക്കേണ്ടതാണ്. 1967-ൽ യുഎസ്എയിലെ ഒരു വിമാനം ഇടിമിന്നലിൽ ഇന്ധന ടാങ്ക് പൊട്ടിത്തെറിച്ച് തകർന്നു. 2014 ഡിസംബറിൽ അബർഡീനിൽ നിന്ന് സ്‌കോട്ട്‌ലൻഡിലെ ഷെറ്റ്‌ലൻഡ് ദ്വീപുകളിലേക്ക് പോകുമ്പോൾ ലോഗൻഎയർ ഫ്ലൈറ്റ് ഇടിമിന്നലേറ്റെങ്കിലും യാത്രക്കാർക്കും ജീവനക്കാർക്കും ഒരു നാശനഷ്ടവും സംഭവിച്ചില്ല. ഇടിമിന്നൽ ഏൽക്കുന്ന മിക്ക സംഭവങ്ങളിലും യാത്രക്കാർക്ക് അപകടമൊന്നും സംഭവിക്കാറില്ല. എന്നിരുന്നാലും ഏകദേശം 21 ദശലക്ഷം ബ്രിട്ടീഷുകാർ വിമാന യാത്രയെ ഭയപ്പെടുന്നു.
